Endurbætur á akbrautinni Kilo
![Frá akbrautinni Kilo](/_next/image?url=https%3A%2F%2Fimages.prismic.io%2Fkefplus%2Ffc3482b9-09d2-4c6f-95ab-7e4b5a5f35ff_07.08-8.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1280%26h%3D720&w=3840&q=80)
Endurbótum á Kilo, einni af meginakbrautunum í flugbrautakerfi Keflavíkurflugvallar, sem hófust í sumar er nú lokið. Um er að ræða einn hluta af endurbótum á brautakerfinu sem um leið er liður í stórframkvæmdum á vellinum sem kynntar voru fyrir nokkrum mánuðum og hrint var af stað í kjölfar hlutafjáraukningar ríkisins í Isavia.
Núverandi akbraut var fræst, gert var við hana og ráðist í yfirlögn á henni með tilheyrandi undirvinnu. Þessu til viðbótar var ljósabúnaðurinn á akbrautinni endurnýjaður. Efnið sem fræst var upp verður notað síðar í öðrum verkefnum á vellinum. Það er liður í hringrásarhagkerfinu.
Framkvæmdin hefur gengið vonum framar. Við réðumst í verkið í vor og vannst það vel þrátt fyrir að veðuraðstæður hafi ekki alltaf verið okkur hliðhollar. Endurnýjunin á Kilo var mikilvægt verkefni og mun hún bæta þjónustuna á vellinum.
![](/_next/image?url=https%3A%2F%2Fimages.prismic.io%2Fkefplus%2F9ea31154-c3c8-4c95-9077-4874d565fc73_06.08-37.jpg%3Fauto%3Dformat%26crop%3Dfaces%252Cedges%26fit%3Dcrop%26w%3D1000%26h%3D750&w=2048&q=80)