Yfirbyggðar gönguleiðir

Gönguleiðir liggja á aðkomusvæði flugvallarins, frá flugstöðvarbyggingunni og að ýmsum þjónustusvæðum; bílaleigusvæðum, bílastæðum og rútustæðum. Þar sem allra veðra er von á landinu er áformað að yfirbyggja allar helstu leiðirnar og veita farþegum þannig skjól fyrir vatni og vindum.

Yfirbyggingum gönguleiða hefur verið skipt upp í tvo áfanga. Í þeim fyrri verður byggt yfir gönguleiðir að innri rútustæðum og bílastæðum sem staðsett eru við komusvæði, nánar tiltekið skammtímastæðum á P2. Áætlað er að þeim framkvæmdum ljúki haustið 2024. Í seinni áfanga framkvæmdanna verður byggt yfir gönguleiðir að langtímastæðum á P3 og ytri rútustæði. Áætluð verklok þessa hluta eru haustið 2025.