Hjólreiðaaðstaða
Áhugi og notkun á vistvænum samgöngumáta hefur aukist gríðarlega auk þess sem fjöldi hjólreiðarfólks sækir Ísland heim árlega. Við uppbyggingu á aðkomusvæðinu við Keflavíkurflugvöll er horft til þessa og stendur til að bæta verulega aðstöðu fyrir vistvænan samgöngumáta, þ.m.t. hjólreiðar.
Nú þegar er til staðar göngu- og hjólastígur sem tengir flugvöllinn við Reykjanesbæ en nokkur fjöldi starfsfólks mætir daglega til vinnu á hjóli. En eftir framkvæmdir verður einnig bætt aðstaða fyrir ferðafólk til að taka í sundur og setja saman hjól, geymsluskápar fyrir hjólatöskur og hjólastæði fyrir starfsfólk. Eins verður boðið upp á hleðslustöðvar fyrir rafmagnshjól starfsfólks.
Þessi aðstaða verður staðsett við komusvæði á skammtímastæðum á P2. Aðstaðan verður vel tengd við núverandi göngu- og hjólastíg og á að gagnast bæði starfsfólki og ferðafólki.
Betra rými til að taka í sundur og setja saman hjól við flugvöllinn.
Læstir skápar til að geyma ferðabox fyrir hjól og fleiri fylgihluti.
Hleðslustöðvar fyrir rafmagnshjól.
Sérstök aðgangsstýrð aðstaða fyrir starfsfólk til að geyma hjól og rafhlaupahjól.
Uppbygging á aðkomusvæði
